Beautiful poetry by Hakim Nasir sung by Abida Parveen
aadab dostoN ek ghazal hakeem nasir sahab ki kahi padhi to bahut hee pasand aayi , to aap ke saath share kar raha hoon ,ummid karta hoon aap ko bhi pasand aayegi.
Lyrics for Life - FeeL ThE LyricS
Jab se tu ne mujhe deewana bana rakha hai
sang* har shakhs ne haathon pr utha rakha hai
jab se tu ne---
us ke dil par bhi kadi ishq main guzree hogee
naam jis ne bhi mohabbat ka saza rakha hai
jab se tu ne----
pathharon aaj mere sar par baraste kyon ho
main ne tum ko bhi kabhi apna khuda rakha hai
jab se tu ne----
ab merii deed ki duniyaa bhi tamaashayi hai
tune kyaa mujh ko mahobbat men bana rakha hai
jab se tune--------
pee ja ayyam* ki talkhi* ko bhi hans kar naasir
ghum ko sahne mein bhi qudrat ne maza rakha hai
jab se tu ne ----
sang*=pathhar
ayaam*=din
talkhi*=kadvaahat