Ye kyaa sitam hai ke ehsaas-e-dard bhii kam hai

ye kyaa sitam hai ke ehsaas-e-dard bhii kam hai
shab-e-firaaq sitaaroN meN roshnii kam hai

ye kaisii mauj-e-karam thii nigaah-e-saaqii meN
ke us ke baad se tuufaan-e-tishnagii kam hai

qariib-o-duur se aatii hai aap kii aavaaz
kabhii bahut hai Gham-e-justujuu, kabhii kam hai

shauur-e-ishq ab aayaa hai apnii manzil par
huzuur-e-husn tamannaa-e-beKhudii kam hai

tamaam umr teraa intizaar kar leNge
magar ye ranj rahegaa ke zindagii kam hai

uruuj-e-maah ko insaaN samajh gayaa lekin
hunuuz azmat-e-insaaN se aagahii kam hai

na the bahaar-e-chaman ham magar ye sunte haiN
hamaare baad guloN meN shaguftagii kam hai

na saath deNgii ye dam toRtii hu’ii sham’meN
naye chiraaGh jalaao ke roshnii kam hai

Har Aan Sitam Dhaaye Hain

Poet unknown. Please leave a note if you have the
information

har aan sitam dhaaye hain kya jaaniye kya
ho

dil gham se bhi ghabraayen hain kya jaaniye kya ho

Aan: Moment

Sitam: Cruelty, Injustice, Oppression Tyranny,
Torment, Torture, Violence

Dhaana: A strong pull, tug, heave, strain;
vigorous and determined effort; staying overlong

Ghabraana: Bewilder, Jittery, To Be Agitated

kya gair ko dhoonde ke tere kooche mein har ek
apna sa nazar aaye hain kya jaaniye kya ho

Gair: Rival, Stranger

Dhoondhnaa: Look For, Trace, Track

Koocha: A Narrow Street, Lane

aankhon ko nahin raas kisi yaad ka aansoo

tham-tham ke dhalak jaaye hain kya jaaniye kya ho

Raas: Acme, Agreeable, Like, Suitable

Aansoo: Tears

Thamna: To stop

Tham-Tham ke: To stop and start, in bursts

Dhalakna: Roll, Tilt

duniye se nirale hain teri bazm ke dastoor
jo aaye so pachhtaaye hain kya jaaniye kya ho

Niraala: Separate, parted, apart; retired,
lonely, private; distinct; different;—strange, foreign

Bazm: Meeting, Assembly, Company (At A Feast Or
Entertainment), Gathering, Party

Dastoor: Custom, Law, Manner, Rule, Usage

Pachhtaanaa: Regret, Repent, Suffer