*****************
is tarah us se gufttugu karta
aaina us ke rubaroo karta
mujh ko apni hi aarzoo na rahi
aur kya tark e aarzoo karta
hur qadam per ulajh ke kaanton se
apne daaman ko kya rafoo karta
mujh ko maloom tha woh mera nahi
kis liye us ki justujoo karta
kaash aata woh pal ibadat mein
dil mera sirf "tu hi tu" karta
woh jo mil jata aik baar mujhe
apni chahat ko sarkhuroo karta
haal e dil us ko sunata "ghayas"
woh agar mujh se guftugoo karta...
********************